O polbo á feira, o prato estrela de Galicia

Galicia é o país dos mil ríos, como dicía Rivas, e dos miles de polbos que se comen cada ano. De feito, este cefalópodo, é todo un embaixador da cociña galega. E é que o polbo á feira é o prato que mellor representa a gastronomía de Galicia, segundo revelan os resultados do concurso 'Lo Mejor de España', organizado pola Nevera Roja, plataforma española de comida a domicilio.

Así, este prato tradicional sitúase no primeiro posto da cociña galega co 76% dos votos, moi por riba doutros produtos típicamente galegos como os ovos fritidos con chourizo (9%), as ameixas á mariñeira ou o caldo galego (5%).

Segundo informa esta plataforma, o xurado estivo formado por chefs españois de restaurantes locais asociado. Logo Nevera Roja realizou unha pre-selección de pratos que foron sometidos á votación de máis de 1.000 consumidores españois de diferentes comunidades autónomas. O resultado foi a selección de 'Lo Mejor de España', cun total de 17 pratos, os que máis valoran os consumidores en cada Comunidade.