PSdeG critica a "desidia" da Xunta nun dos "peores" momentos dos viticultores da Ribeira Sacra
Por E.P. | SANTIAGO DE COMPOSTELA | 30/08/2024 | Actualizada ás 18:43
A portavoz de Agricultura do Grupo Socialista, Lara Méndez, esixiu á Xunta que "poña en marcha de forma urxente" un Plan de choque para axudar aos viticultores da Ribeira Sacra ante o problema xerado pola acumulación de stock.
Así, segundo informou o partido nun comunicado, Lara Méndez levará este tema ao Parlamento tras reunirse cos produtores e os alcaldes e representantes políticos do PSdeG na zona.
Méndez criticou que a Xunta "leve meses sen escoitar" as chamadas de atención dos 600 produtores afectados por un problema que "pode pór en risco" a paisaxe da zona e co a candidatura da Ribeira Sacase como Patrimonio da Humanidade, así como a continuidade da propia Denominación de Orixe.
"Se non se toman medidas urxentes, poden quedar viñedos abandonados en plena vendima, con uva que sería recollida no sucesivo", alertou a socialista.
Neste sentido, explicou que estas explotacións da Ribeira Sacra "non teñen capacidade" para dedicarse a outro tipo de produción, polo que necesitan "medidas extraordinarias urxentes" por parte da Xunta para contar con garantías de recollida da uva.
