A creación de empresas aumenta un 8% en Galicia en setembro
Segundo os datos que publica o Instituto Galego de Estatística (IGE) este mércores.
Por Europa Press / Redacción | SANTIAGO DE COMPOSTELA | 02/10/2024 | Actualizada ás 15:55
Galicia rexistrou a creación de 299 empresas en setembro, un 7,9% máis que no mesmo mes de 2023, segundo os datos que publica o Instituto Galego de Estatística (IGE) este mércores.
Na comparativa co mes anterior, a constitución de sociedades tamén aumenta (47 máis). As empresas creadas na comunidade en setembro contan cun capital que ascende a 9,2 millóns de euros.
Como habitualmente, A Coruña e Pontevedra rexistraron a maior parte das creacións, coa construción na cabeza entre sectores. Un total de 290 eran SL e só nove doutro tipo.
Mentres, as sociedades que ampliaron capital social foron 74 no noveno mes do ano, que ascendeu a 12,3 millóns de euros. Son oito empresas máis que un ano antes.
En setembro disolvéronse 66 sociedades en Galicia, 19 menos que no mes anterior e sete menos que un ano antes. Por outra banda, 19 reduciron o seu capital social.
