Cobre San Rafael segue a súa campaña de captación de currículos para a mira de Touro-O Pino
Un equipo especializado en recursos humanos atenderá a todas as persoas interesadas en coñecer as ofertas dispoñibles e recollerá currículos de forma presencial
Por E.P. | SANTIAGO DE COMPOSTELA | 21/10/2024 | Actualizada ás 19:18
Cobre San Rafael continúa o seu percorrido por feiras dos concellos próximos á mina de Touro-O Pino para presentar as súas ofertas laborais para a futura reactivación da produción de cobre en Galicia.
En concreto, tal e como detallou a compañía, este martes, 22 de outubro, a furgoneta estará na feira de Arzúa; o mércores, día 23, na Estrada; e o domingo, día 27 en Vedra.
Deste xeito, a empresa busca atraer a profesionais cualificados, así como persoas sen unha experiencia específica. Segundo explicou, a reapertura da mina, "que prevé xerar de inicio 400 postos de traballo directos", representa "un impulso fundamental" para Galicia, particularmente "en áreas como Touro, O Pino e outros concellos veciños".
Nestas feiras, un equipo especializado en recursos humanos atenderá a todas as persoas interesadas en coñecer as ofertas dispoñibles e recollerá currículos de forma presencial.
