Sobe un 4,6% a compravenda de vivendasen agosto, máis que a media española

Galicia rexistrou a compravenda de 1.781 vivendas en agosto, o que supón un 4,6% máis que no mesmo mes de 2023, segundo os datos publicados este xoves polo Instituto Nacional de Estatística (INE).

Das operacións de compravenda anotadas en Galicia, 1.738 realizáronse sobre vivenda libre e 43 eran de protección oficial. Con base na antigüidade dos inmobles, 421 operacións corresponderon a vivendas novas e 1.360 foron en edificios usados.

Houbo un total de 3.321 operacións sobre vivendas no oitavos mes. Ademais das 1.781 compravendas, 836 foron herdanzas, 26 doazóns e tres permutas, así como 675 doutro tipo. Por outra banda,  Galicia computou un global de 8.146 transmisións sobre leiras en agosto: 6.149 urbanas e 1.997 rústicas.