Marta Villar, Raquel Fernández e Abel Tomé recollen os premios Xerais
Por Europa Press / Redacción | VIGO | 26/10/2024 | Actualizada ás 19:37
Marta Villar, Raquel Fernández e Abel Tomé recolleron este sábado en Vigo os premios Xerais polas súas obras 'Detective Ferrichi', 'I'm Obélix' e 'Milú e o edificio das persoas extraordinarias', respectivamente, e cada un dos galardóns ten unha dotación de 10.000 euros.
A xornalista Susana Pedreira foi a encargada de presentar o acto que, inaugurou o director de Xerais, Fran Alonso, que agradeceu o traballo dos xurados e dos gañadores desta edición que son, nesta xornada, "o corazón de Xerais".
Abel Tomé recolleu o XXXIX Premio Merlín de Literatura Infantil agradecendo ao Xurado "por descubrir certos matices da obra" que o propio autor "non viu". Así, definiu a súa novela como unha historia de persoas que teñen que abandonar o seu país para construír un fogar nun lugar diferente.
Pola súa banda, Raquel Fernández foi a gañadora do XVI Premio Jules Verne de Literatura Xuvenil por 'I'm Obélix', unha novela coral que retrata o acoso a un mozo nun instituto.
Sobre ese protagonista de 13 anos con TDAH chamado Isma, a autora expresou a súa intención de que "todo o mundo saiba que non é vago, nin maleducado, nin parvo. Simplemente funciona doutra forma.
A obra 'Detective Ferruchi', de Marta Villar, alcanzou o XLI Premio Xerais de Novela. Unha novela en ton de parodia que segue as pescudas tras un asasinato.
