Localizan o menor que se perdeu nunha zona de monte en Sarreaus
O rapaz saira co can e perseuse.
Por Europa Press / Redacción | SANTIAGO DE COMPOSTELA | 27/10/2024 | Actualizada ás 19:36
Un menor que se puxo en contacto este domingo co 112 Galicia para advertir de que se atopaba perdido nunha zona de monte no municipio ourensán de Sarreaus foi localizado en bo estado.
Tal e como detallou a central de emerxencias, a chamada produciuse sobre as 12.10 horas. Nela, o menor indicaba que se perdeu mentres paseaba ao seu can de camiño a casa duns familiares, na zona de Perrelos.
Nun primeiro momento, a nai confirmou que se dirixía ao lugar para buscalo, pero ao non atopalo, volveuse a pór en contacto co 112.
Así, os operadores do Centro Integrado de Atención ás Emerxencias de Galicia activaron un dispositivo de procura no que participou a Garda Civil, a Policía Autonómica e voluntarios de Protección Civil de Sarreaus.
Pouco despois das 14.00 horas, a nai do menor atopouno en bo estado xunto ao seu can, tal e como comunicaron os efectivos de Protección Civil desprazados ao lugar.
