A natalidade segue caendo en Galicia: 11.193 bebés nados entre xaneiro e outubro, un 4,19 % menos

Os nacementos baixaron un 4,19 % interanual en Galicia de xaneiro a outubro, con 11.193 nados no total acumulado, segundo os datos publicados este mércores polo Instituto Nacional de Estatística (INE). Dos nados nos primeiros 10 meses de 2024, ata 5.395 son mulleres e 5.798, homes. A maior parte dos nacementos corresponden a nais na franxa de 35 a 39 anos (3.638); de 30 a 34 anos (3.534) e de 25 a 29 anos (1.666). En canto ás defuncións, a estatística do INE publicada este mércores revela que ata a semana 48 do ano contabilizáronse en Galicia 29.894 falecementos, un 0,82 % máis respecto da mesma semana do ano anterior.

O Departamento de Sanidade financiará a partir do 1 de outubro esta vacina aos bebés nados a partir do 1 de agosto | Fonte: GOBERNO DE ARAGÓN - Arquivo