A Cidade da Cultura e a Federación de Persoas Xordas de Galicia avanzan na accesibilidade ás exposicións do Gaiás

A Cidade da Cultura e a Federación de Asociacións de Persoas Xordas de Galicia traballan en abrir novas vías de colaboración que contribúan a unha programación cultural inclusiva e accesible a toda a cidadanía. Desta forma, un grupo e persoas xordas e xordo-cegas visitou a exposición 'Unha vida viquinga', co apoio de intérpretes en lingua de signos e da aplicación móbil de guiado da mostra.

Segundo informou a Xunta nun comunicado, esta ferramenta aproveita a funcionalidade de xeolocalización dos dispositivos móbiles determinando en que punto da sala está o visitante. En función diso, mostra información sobre as pezas que se exhiben ou os puntos de interese máis próximos, para gozar dunha visita máis completa coa incorporación de explicacións en lingua de signos, audios e texto en tres idiomas.

Museo Centro Gaiás da Cidade da Cultura | Fonte: CIDADE DA CULTURA - Arquivo