A creación de empresas en Galicia sobe un 10,4% en 2024
A case totalidade son sociedades limitadas.
Por E.P. | SANTIAGO DE COMPOSTELA | 07/01/2025 | Actualizada ás 11:12
A creación de sociedades mercantís en Galicia subiu un 10,4% en 2024, en comparación co ano anterior, ata 4.380 compañías, segundo a Explotación do Boletín Oficial do Rexistro mercantil (Borme) publicada este martes polo Instituto Galego de Estatística (IGE).
Deste total, seis son sociedades anónimas, mentres que 4.285 eran sociedades limitadas e 89 outro tipo de sociedades. O capital total do conxunto das empresas creadas na Comunidade situouse en máis de 234,5 millóns de euros, un 36,5% máis que en 2023.
Por provincias, na Coruña constituíronse 1.969 sociedades mercantís (+17,8%), mentres que en Lugo, 412 (+7,6%) e en Ourense, 365 (+1,95%). Pontevedra queda en segundo lugar, con 1.634 empresas novas en 2024 (+5,1%).
