Vía libre para outra macrogranxa avícola en San Cibrao das Viñas
A Xunta autoriza a declaración de impacto ambiental desta empresa.
Por Europa Press / Redacción | Compostela | 13/01/2025 | Actualizada ás 13:11
O Diario Oficial de Galicia (DOG) publicou o anuncio da Dirección Xeral de Calidade Ambiental polo que se autoriza a declaración de impacto ambiental do proxecto de ampliación dunha expotación avícola en San Cibrao das Viñas (Ourense).
Segundo recolle a resolución, autorízase a declaración concluíndo que o proxecto é "ambientalmente viable" sempre que se cumpra, ademais do recollido no estudo de impacto ambiental e a restante documentación avaliada, o condicionado e programa de vixilancia ambiental.
Ademais, se se manifesta calquera tipo de impacto non considerado ata o momento, indícase que a Dirección Xeral de Calidade Ambiental poderá ditar condicionados adicionais e que calquera cambio que se pretenda introducir no proxecto respecto do recolleito na declaración de impacto ambiental que se autoriza. Promovido por Rosales Grupo Avícola, o proxecto é a ampliación dunha explotación avícola de recría de poñedeiras ata 132.000 aves, no lugar de Ou Penedo, na parroquia de San Miguel de Soutopenedo.
PLANTA FOTOVOLTAICA
O DOG tamén publica este luns a resolución do 13 de decembro, da Dirección Xeral de Enerxías Renovables e Cambio Climático, pola que se outorga autorización administrativa previa e de construción dunha planta solar fotovoltaica que Villasán Renovables promove en Friol.
Previamente, ao comezo das obras, o promotor deberá contar con autorización por parte de UFD Distribución e para introducir modificacións que afecten a datos básicos da modificación do proxecto será necesaria a autorizacción previa da Dirección Xeral.
