Baixo control un incendio desatado nunha planta de reciclaxe en Lousame

Os Bombeiros de Boiro e Ribeira e o GES de Noia traballan na extinción dun incendio, que está controlado, nunha planta de reciclaxe de Lousame. Segundo informou o 112 Galicia, foi sobre as 17.50 horas deste domingo cando varios particulares alertaron de que saía fume e cheiraba a queimado na zona exterior das instalacións da planta de reciclaxe, na parroquia de Lesende. Ata o punto tamén se desprazaron a Garda Civil, os voluntarios de Protección Civil de Lousame, os profesionais de Urxencias Sanitarias de Galicia-061 e as autoridades ambientais da Xunta. Actualmente, os equipos de emerxencias atópanse traballando no punto.

Planta de reciclaxe de Lousame | Fonte: Páxinas Galegas