Unha nova web para divulgar a candidatura da Ribeira Sacra a Patrimonio Mundial

A Xunta de Galicia creou unha nova páxina web con toda a información sobre a candidatura da Ribeira Sacra a Patrimonio Mundial. Desta forma, indica, a Consellería de Cultura, Lingua e Xuventude "pon a disposición da cidadanía a documentación relativa ao traballo de técnicos, expertos, veciños e axentes sociais que participaron na elaboración da proposta Ribeira Sacra: Paisaxe da auga". Este novo portal, dispoñible en galego, inglés e castelán, permite consultar os límites do territorio proposto para o máximo recoñecemento por parte da Unesco, así como a proposta de valor universal excepcional, os criterios ou os atributos especiais que definen a declaración.

Soca, en Monforte de Lemos, Lugo, Galicia | Fonte: Carlos Castro - Arquivo