Piden 5 anos de cárcere para un home por agredir sexualmente a unha menor coa que convivía no Carballiño
A menor tiña 16 anos no momento dos feitos.
Por Europa Press / Redacción | OURENSE | 05/04/2025 | Actualizada ás 14:17
A Fiscalía de Ourense pide cinco anos de prisión para un home acusado dun delito de agresión sexual a unha menor de 16 anos. O caso, que se xulgará na Audiencia Provincial de Ourense este luns ás 9.30 horas, procede do Xulgado de Instrución nº2 do Carballiño. Segundo relata a Fiscalía, os feitos tiveron lugar entre 2020 e 2023 no domicilio no que convivían no partido xudicial do Carballiño.
Por iso, consideran que debe imporse ao acusado a prohibición de aproximarse á menor a unha distancia inferior a 300 metros durante oito anos, do seu domicilio ou calquera lugar no que se atope, así como comunicarse con ela por calquera medio. Piden tamén a medida de liberdade vixiada durante oito anos e a súa inhabilitación especial para calquera actividade que leve contacto regular e directo con persoas menores de idade durante seis anos. O acusado deberá indemnizar á vítima na cantidade de 6.000 euros polos danos morais causados.
