Os grupos solicitan á Xunta que elabore un plan contra a trata de mulleres
Aprobada por unanimidade unha PNL para pedir "consensos" sobre participación de deportistas en eventos de países que vulneran os dereitos da muller.
- A Xunta ponse de exemplo nas axudas ás vítimas de violencia de xénero: "outros falan e nós facemos"
- Cárcere por 15 anos para os acusados de obrigar mulleres a prostituírse en Lugo
Por E.P. | SANTIAGO DE COMPOSTELA | 20/11/2019 | Actualizada ás 15:38
Os grupos con presenza na Cámara galega acordaron unha resolución para reclamar á Xunta a elaboración dun Plan Estratéxico contra a trata de mulleres con fins de explotación sexual, así como que aumenten xa no próximo ano as axudas económicas ás entidades sociais que prestan apoio ás mulleres en situación de prostitución.
A proposición non de lei presentada polo PPdeG no pleno ordinario recibiu este mércores o respaldo unánime da Cámara galega tras acordarse unha transacción do resto de grupos que engadiu catro puntos máis á iniciativa.
Deste xeito, ademais de solicitar a creación do devandito plan estratéxico para o combate de da trata, o Parlamento insta á Xunta a fomentar que os concellos galegos realicen campañas de concienciación entre a cidadanía na loita contra esta secuela e apoiar á Fegamp na súa intención de eliminar por lei que se permita a publicidade de negocios de prostitución, medida recollida no Pacto de Estado contra a violencia de xénero.
Os grupos tamén reclaman que continúe a constitución de mesas locais de coordinación contra a violencia de xénero e que estes órganos remitan informes á Cámara sobre "o seu grao de efectividade".
Así mesmo, piden ao Goberno central a creación dunha lei orgánica de carácter interdisciplinar para o combate da trata con fins de explotación sexual, así como que se inclúa na normativa estatal que a violencia física, psicolóxica e sexual, incluída a violación, constitúen tipos de violencia contra as mulleres como establece o Convenio de Istambul.
DEPORTE
Por outra banda, os grupos tamén sacaron adiante de maneira unánime unha proposición non de lei que pide dirixirse ao Estado para lograr "un consenso internacional" para a "reconsideración" de que os deportistas españois participen en competicións organizadas por países que vulneren os dereitos fundamentais da cidadanía, especialmente no tocante ás mulleres.
A iniciativa presentada por En Marea foi finalmente modificada despois de aceptar unha emenda do Grupo Socialista que supuxo a suavización da formulación, xa que inicialmente propúñase dirixirse ao Estado para que se negasen a enviar deportistas a eventos que "que se celebren en países que denegan ás mulleres calquera dos dereitos recoñecidos" na Declaración universal dos Dereitos Humanos.
Na súa quenda de intervención, a deputada socialista Patricia Vilán sinalou que a decisión de "enviar ou non" aos deportistas a competicións internacionais corresponde ás federacións. "Non temos ningún poder aquí no Parlamento, nin na Xunta nin no Goberno central", apostilou.
Durante o debate da iniciativa, todos os grupos con presenza na Cámara expresaron a súa felicitación ás xogadoras de fútbol de Primeira División por lograr un novo convenio colectivo tras a folga mantida o pasado fin de semana, na que non houbo xornada na máxima categoría do fútbol feminino español.
