Xa son 11 os usuarios contaxiados na residencia Orpea, tras tres novos positivos
Hai tamén dous traballadores afectados na mesma residencia.
Por Europa Press / Redacción | SANTIAGO DE COMPOSTELA | 18/08/2020 | Actualizada ás 12:32
Os casos de infectados polo coronavirus COVID-19 na residencia de anciáns Orpea de Culleredo (A Coruña) aumentaron a 13 ao dar positivo outro tres usuarios, co que son 11 usuarios e dous profesionais os afectados.
Segundo os datos actualizados este martes polas consellerías de Sanidade e Política Social, as residencias de Galicia mantéñense este martes con 11 usuarios contaxiados, todos eles na Residencia Orpea de Culleredo, e cinco traballadores.
No caso concreto dos profesionais de residencias, trátase de dous traballadores de Orpea en Culleredo; un na Residencia de Maiores de San Bartolomeu en Xove (Lugo); outro a Residencia de Maiores de Paradela (Lugo) e outro na DomusVi Barra de Miño en Coles (Ourense).
