Sabes quen está no obrigatorio de viaxeiros imposto pola Xunta?

A Xunta actualizou a súa listaxe de países e comunidades de rexistro obrigatorio para os viaxeiros que visiten Galicia, unha ferramenta na que terán que anotarse persoas que cheguen desde 12 autonomías españolas.

De acordo coa resolución publicada este martes no Diario Oficial de Galicia (DOG) pola Dirección Xeral de Saúde Pública, ao seis comunidades que xa eran de comunicación obrigatoria --Baleares, Cataluña, Castela-A Mancha, Valencia, Estremadura e Madrid-- engádense agora outras seis: a veciña Castela e León, Andalucía, Aragón, A Rioxa, Melilla e Murcia.

Todas as persoas que cheguen a Galicia desde estes lugares, ou que estivesen neles nos últimos 14 días, deberán cubrir o formulario habilitazo na web do Servizo Galego de Saúde (Sergas) ou ben comunicalo ao teléfono 881 00 20 21 no prazo das 24 horas.

No caso de Europa, os cambios son de maior calado, ao pasar de 41 a 20 os territorios de rexistro obrigatorio. Da listaxe saen unha vintena de países, entre eles Alemaña e Italia, e os únicos que se manteñen son, ademais do veciño Portugal, Acerbaixán, Andorra, Chipre, Eslovaquia, Eslovenia, Estonia, Holanda, Irlanda, Kósovo, Letonia, Lituania, Malta, Mónaco, Montenegro, República Checa, Reino Unido, San Mariño, Suecia e Xibraltar.

Do mesmo xeito, tamén é de comunicación obrigatoria a estancia en países de América como Estados Unidos, Ecuador, O Salvador, Guatemala, Honduras, Panamá, Paraguai, Venezuela, Haití, Xamaica, Nicaragua e República Dominicana.

Tamén deben notificalo ao Sergas as persoas que visitasen "calquera dos países" de África e os seguintes estados asiáticos: Bangladesh, India, Irán, Iraq, Israel, Kazajistán, Kirguizistán, Líbano, Omán, Palestina, Filipinas, Afganistán, Bután, Brunei, Cambodia, Indonesia, Laos, Mongolia, Myanmar, Nepal, Paquistán, Siria, Tailandia e Iemen.

O Aeroporto Rosalía de Castro de Santiago recibe os primeiros voos internacionais. | Fonte: Europa Press