Os asistentes ao 'coworking' da Deputación de Pontevedra poderán reforzar os seus proxectos este verán
Os contidos máis demandados están relacionados co uso de novas tecnoloxías.
Por E.P. | SANTIAGO DE COMPOSTELA | 26/07/2021 | Actualizada ás 11:05
Un total de 61 participantes nalgún do seis 'coworking' de Barro --que se celebraron entre 2017 e 2021--, que organiza a Deputación de Pontevedra en colaboración coa Escola de Organización Industrial (EOI), contarán este verán cunha iniciativa para reforzar os seus proxectos empresariais.
Segundo informa a Deputación de Pontevedra nun comunicado, os participantes poderán acceder no verán a tutorías persoais, mentres a partir de setembro terán acceso a contido con asesoramentos individuais con expertos e talleres en liña.
Os contidos máis demandados están relacionados co uso de novas tecnoloxías, xestión, acceso a financiamento e conseguir contactos cualificados para os seus negocios. Nesta acción, que desenvolve entre xullo e novembro, participan 37 mulleres e 24 homes, con proxectos empresariais que pasan polo campo cultural, a artesanía, o turismo e o sector agroalimentario, entre outros.
