Asociacións de mulleres colaborarán para impulsar a educación dixital no rural galego

A Asociación Galega de Mulleres Rurais (Agamur) asinou este martes un convenio de colaboración coa Asociación de Familias e Mulleres do Medio Rural (Afammer) para impulsar iniciativas no sector agrario galego como a redución da fenda dixital, agravada, segundo alertaron as organizadoras, tras a pandemia.

A presidenta de Agamur, María Eugenia Medina, foi a encargada de presentar, xunto á presidenta de Afammer, Carmen Quintanilla, a firma do convenio entre as dúas asociacións. O acto, celebrado no hotel Porta do Camiño en Santiago, virou ao redor de dous temas principais: a redución da fenda dixital e a visibilización da Lei de Titularidade Compartida de Explotacións Agrarias.

Durante a súa intervención, Carmen Quintanilla insistiu na importancia da "alfabetización dixital" para as mulleres do rural como unha forma de empoderamiento e independencia. Sobre isto, Quintanilla sinalou que, ademais da brecha existente entre homes e mulleres, tamén hai "unha diferenza de oito puntos", entre os coñecementos dixitais das mulleres que viven en contornas urbanas e as que o fan no medio rural.

A presidenta de Afammer subliñou que, tras a pandemia, gañaron importancia as competencias nesta materia á hora de realizar trámites administrativos ou pedir citas médicas. Por iso, Afammer e Agamur coinciden en colocar a educación dixital como "alicerce fundamental" do seu convenio e avanzaron que desenvolverán cursos de 15 horas en pobos de menos de 15.000 habitantes.

A presidenta de Agamur, María Eugenia Medina, xunto á presidenta de Afammer, Carmen Quintanilla, durante o acto de firma do convenio entre as dúas asociacións.. AFAMMER | Fonte: Europa Press