Juan Carlos I elude comentar a reunión prevista con Felipe VI en Madrid
"Eu estou aquí, en Sanxenxo", limitouse a apuntar o monarca.
- O día a día do rei en Sanxenxo: barcos, división política e poucas preguntas sobre a fraude fiscal
- Feijóo sae en defensa do rei emérito: "vai vir a España cando o considere oportuno"
Por E.P. | SANTIAGO DE COMPOSTELA | 22/05/2022 | Actualizada ás 12:23
Juan Carlos I dirixiuse este domingo aos medios á súa saída do Club Náutico de Sanxenxo, aos que contestou cunha "Pregunta, pregunta ti; eu estou aquí, en Sanxenxo". Respondía así a un xornalista que lle preguntou sobre se ten ganas de reunirse este luns co seu fillo Felipe VI en Madrid.
Tras isto, o monarca pousou para os medios gráficos moi riseiro e facendo o sinal da vitoria, entre cuestións dos xornalistas sobre que será o que lle diga ao seu fillo este luns. Tal e como confirmara Zarzuela esta semana, pai e fillo reuniranse a comezos desta semana na capital, onde está previsto que a emérita viaxe durante a mañá deste luns. Pola súa banda, Felipe V visitará este martes Vigo para inaugurar a nova Cidade da Xustiza.
Nas súas declaracións á saída do club, ao redor das 11,30 horas --á súa chegada limitouse a dar os bos días aos medios--, o emérito referiuse tamén aos seus netos, dos que comentou que están todos moi ben. Tamén "moi ben" Pablo Urdangarín, co que se reencontrou este sábado en Pontevedra, onde o neto disputou un partido de balonmán co Barça B.
Entre aplausos dos curiosos alí reunidos e saudando a transeúntes e xornalistas, Juan Carlos I dirixiuse no coche do seu amigo Pedro Campos ao peirao, onde embarcou no 'Bribón' para disputar as últimas mangas da regata do domingo. Ao finalizar as probas da xornada celebrarase a entrega de trofeos, prevista para as 16,30 horas.
