Gadisa controla o 20% do mercado da alimentación en Galicia
Logra unha cifra de negocio de 1354 millóns en 2021.
Por Europa Press / Redacción | A CORUÑA | 01/09/2022 | Actualizada ás 17:39
A compañía do sector da distribución Gadisa retail logrou unha cifra de negocio de 1.345 millóns de euros en 2021 "grazas á confianza de máis dun millón de clientes e ao compromiso do seu equipo humano, que superou os 8.000 profesionais", informa.
"Uns resultados cos que logra manter o volume de vendas rexistrado o exercicio anterior, marcado pola excepcional situación derivada da pandemia, e que confirman o seu liderado cunha cota superior ao 20%, segundo a empresa de medición e análise de datos A.C. Nielsen", apunta sobre estes resultados económicos.
Ademais, explica que a compañía destinou 26,54 millóns de euros a investimentos, principalmente a innovación, a mellorar a experiencia de compra, e á ampliación e modernización da rede de establecementos, "priorizando a sustentabilidade e comodidade dos clientes".
2021 foi, ademais, o exercicio no que anunciou un investimento de máis de 4,9 millóns de euros nunha nova nave no porto da Coruña para a compra e xestión de peixes e mariscos co obxectivo de potenciar as seccións de pescadería nos seus puntos de venda.
