CIG reclama convocar a Mesa das Pontes e "sacar xa" a concurso os 700 MW da central térmica

CIG-Industria informou de que mantivo unha conversación coa directora do Instituto para a Transición Xusta, organismo dependente do Ministerio, para coñecer en detalle a situación da central térmica das Pontes tras a decisión de manter operativos dous grupos e pechar outros dous.

Nesa conversación, en vista dos cambios que se están dando no marco enerxético, CIG esixiu ao Ministerio que estableza unha canle de información "permanente" sobre o estado da central térmica.

De igual maneira, solicitou a convocatoria "formal e urxente" da mesa das Pontes xa que neste organismo están presentes todas as partes implicadas: o Ministerio, a Xunta de Galicia, Endesa e os axentes sociais. E instou a "sacar xa" a concurso os 700 MW dos grupos 3 e 4 da central térmica.

Os camións do carbón da central de Endesa nas Pontes bloquean os accesos.