Piden amparo ante o Valedor do Pobo contra "a discriminación" de gardacostas
Por E.P. | SANTIAGO DE COMPOSTELA | 23/06/2023 | Actualizada ás 13:31
A CIG, xunto a un grupo de gardacostas, entregou unha solicitude de amparo ante o Valedor do Pobo para reclamar a inclusión deste colectivo no réxime especial do mar, de modo que se acabe con esta "discriminación".
En declaracións aos xornalistas tras a entrega, a responsable da área de administración autonómica da CIG, Zeltia Burgos, destacou que vai xa "máis dun ano de loita" contra o feito de que aos gardacostas se lles "denegue" a súa inclusión no réxime especial do mar "por ser funcionarios".
De acordo cos seus números, son 239 traballadores na comunidade galega contando coa empresa privada, pero esta situación só afecta aos menos de 130 que son persoal funcionario.
O que buscan, segundo explicou xunto á portavoz sindical o patrón da base de Vilaxoán Alexandre Romeu, é, entre outras cuestións, que se lles aplique un coeficiente reductor, o que implicaría unha xubilación máis temperá.
