A dor pélvica crónica, unha cuestión de xénero?
Aínda que a incidencia é maior nas mulleres, estímase que entre o 8% e o 12% dos homes sufrirán esta doenza algunha vez ao longo da súa vida.
Por Galicia Confidencial | Santiago de Compostela | 09/07/2023 | Actualizada ás 10:00
A Dor Pélvica Crónica (DPC) é unha dor persistente das estruturas relacionadas coa pelvis que afecta tanto aos homes como ás mulleres. Aínda que, a prevalencia da dor pélvica crónica no ámbito epidemiolóxico é variable, pode oscilar entre o 6,4% e o 25,4% nas mulleres, segundo os últimos estudos, e é inferior entre os homes, xa que só entre o 2% e o 17% vense afectados. No entanto, a dor pélvico nos homes pode ser bastante común, xa que se estima que entre o 8% e o 12 % dos homes sufrirán DPC nalgún momento.
"É probable que no caso dos homes exista unha infravaloración desta prevalencia por unha menor predisposición para consultar problemas que tamén afectan á esfera sexual", indica a Dra. Inmacula Failde Martínez, catedrática da Universidade de Cádiz (UCA) a modo de explicación do porque afecta máis a mulleres que a homes.
Para o seu tratamento é importante ter en conta todos os factores e todas as partes do organismo pois como explica a doctora Luz Cánovas, anestesista e xefa da Unidade da Dor do Hospital de Ourense, "a Dor Pélvico Crónico é unha dor que require unha abordaxe multidisciplinar ao manifestarse a miúdo como disfuncións xinecolóxicas, sexuais, intestinais ou do propio chan pélvico", sinala.
Cabe destacar que a dor pélvico é motivo de visitas frecuentes a múltiples especialistas por parte dos pacientes, con peticións de exploracións complementarias, que poden chegar a ser iatroxénicas onde o enfermo a miúdo se sinte incomprendido e maltratado polo sistema sanitario. "O DPC ten frecuentemente un gran impacto tanto no ámbito do comportamento como no cognitivo, sexual e emocional, provocando unha clara afectación sobre a calidade de vida das persoas que sofren esta enfermidade", afirma o Dr. Francisco Nohales Alfonso, xinecólogo no Policlínico de Valencia
A Asociación de Dor Pélvico Crónico (ADOPEC) fala tamén do impacto da enfermidade sobre os pacientes. "É vital lograr implicar ao paciente na súa recuperación con actividade física regular, tentando ter un bo descanso nocturno, manterse activo e participar en actividades laborais e/ou de lecer, terapias de relaxación ou fisioterapia rehabilitadora" explica Lydia Serra Llosa, fisioterapeuta.
