O Parque Tecnolóxico de Galicia planta 1.800 árbores para compensar as súas emisións de CO2

O Parque Tecnolóxico de Galicia, situado no concello ourensán de San Cibrao das Viñas, plantou un bosque con 1.800 árbores para compensar as súas emisións, que en 2022 ascienderon a 263 toneladas de CO2. Así o recollen os resultados dun estudo que calcula as emisións dos case 12.000 metros cadrados do seu tres edificios principais, que xeran 22 quilos de CO2 por metro cadrado, das que o 95% correspodnen ao consumo eléctrico asociado á climatización e iluminación dos edificios.

Nun comunicado, a xerencia de Tecnópole fíxase como obxectivo reducir 7,5% o consumo de electricidade, o que suporía un descenso do 25% das emisións, ademais da consecuente baixada no gasto enerxético. Ademais de camiñar cara á redución do consumo e que a enerxía que se emprega proveña de fontes renovables, o parque tamén ideou a creación dun bosque con 1.800 árbores que ocupan unha superficie de 2,2 hectáreas, terreo que se atopaba en desuso. .

A repoboación fíxose con especies autóctonas --70% bidueiros e 30% unha mestura de piñeiros, castiñeiros, serbais, carballos e acivros--, que absorberán máis de 270 toneladas de dióxido de carbono nos próximos 30 anos, en función do crecemento de cada unha destas especies.

Tecnópole quere crear un gran bosque con árbores autóctonos para paliar a contaminación e a pegada de carbono / remitida / Europa Press