Unha traballadora dunha conserveira sofre lesións graves nun brazo
Por Europa Press / Redacción | SANTIAGO DE COMPOSTELA | 13/07/2024 | Actualizada ás 11:50
Unha traballadora sufriu este venres lesiones graves nun brazo por mor dun accidente grave nunha conserveira de Carnota. Segundo informou o 112, a operaria presentaba danos importantes con posible amputación da man.
De feito, foi trasladada en helicóptero medicalizado ata o Complexo Hospitalario Universitario de Santiago despois de recibir os primeiros coidados no mesmo lugar do accidente. Segundo a información recollida no 112 Galicia, todo ocorreu uns minutos máis tarde das 20.00 horas nunha conserveira do lugar de Freán, en Carnota.
Unha máquina atrapou o brazo da operaria e, a pesar de que foi liberada rapidamente coa axuda dos compañeiros e compañeiras, as lesións provocadas no brazo son graves. Tamén foron avisados os membros do GES de Muros e os axentes da Garda Civil. Con todo, cando o equipo de rescate chegou ao momento da emerxencia, a muller tiña o brazo liberado.
