Condenan a ano e medio de cárcere ao propietario dun albergue que agrediu sexualmente dunha menor

O Tribunal Superior de Xustiza de Galicia (TSXG) confirmou a sentenza da sección cuarta da Audiencia Provincial de Pontevedra na que condenou a un ano e medio de cárcere ao dono dun albergue que agrediu sexualmente a unha menor. Ademais da pena de cárcere, a Audiencia Provincial inhabilitouno durante tres anos e medio para calquera profesión, oficio ou actividades, sexan ou non retribuídas, que leven contacto regular e directo con persoas menores de idade; e impúxolle a prohibición de aproximarse á menor, ao seu domicilio, centro escolar ou calquera outro no que puidese atoparse, e de comunicarse con ela por calquera medio durante dous anos e medio.

O alto tribunal galego confirma agora os termos da condena pola súa agresión a unha menor, e ratifica que non ve delito na súa conduta con respecto a outras dúas menores, uns feitos dos que tamén se lle acusaba. "O que fixo a Sala, con toda corrección, é analizar a conduta do acusado en relación con cada unha das menores cuxa liberdade sexual puido estar en perigo ou ser lesionada na noite de autos. E, dese modo, conclúe que só as accións despregadas sobre a persoa dunha das menores encaixan na tipicidade do delito polo que se sostiña acusación", subliña a sala.

Sede TSXG | Fonte: E.P. - Arquivo