A Xunta aumenta os orzamentos en I+D+I para manter a pulsión investigadora nas universidades galegas

A Xunta destinará en 2025 unha partida de 61 millóns de euros para axudas plurianuais a grupos de investigación e para contratación de investigadores pre e post doutorais, o que supón un 20% máis que o ano anterior.

Así o avanzaron este luns o presidente galego, Alfonso Rueda, e o conselleiro de Educación, Román Rodríguez, durante unha comparecencia posterior ao Consello da Xunta na que ratificaron a aposta do Goberno galego polo I+D e a investigación científica.

Segundo precisou Román Rodríguez, serán 29 millóns de euros para impulsar os grupos de investigación punteiros e de excelencia cos que conta Galicia. En concreto, 80 grupos deberán renovar o próximo ano o seu programa quinquenal de financiamento, cos que se dará soporte económico estable á súa actividade ata 2029.

Por outra banda, destinaranse outros 31 millóns á convocatoria de 175 novos contratos plurianuais para investigadores pre e post doutorais no sistema universitario, dos que 102 serán previos ao doutoramento e 73 para investigadores xa doutoramentos.

A Xunta destinará 61 millóns de euros a axudas para grupos de investigación e contratos de investigadores. DAVID CABEZON @ XUNTA | Fonte: Europa Press