Investigan as causas do afundimento dun pesqueiro no porto de Ribeira

Un pesqueiro, o 'Illas Cíes', que estaba atado no porto do municipio coruñés de Ribeira afundiuse na mañá deste sábado e, polo momento, descoñécense as causas do suceso. Sobre as 07:30 horas desta xornada Salvamento Marítimo recibiu a alerta da radiobaliza do buque, polo que se puxo en contacto co dono da embarcación. Ata o punto desprazáronse medios de Salvamento Marítimo e Gardacostas de Galicia mobilizou o patrulleiro 'Mar de Galicia e a auxiliar do 'Irmáns García Nodal'.

Hélimer 2011, helicóptero de Salvamento Marítimo | Fonte: Salvamento Marítimo