Museo do Mar de Galicia acollerá unha mostra de Nicolás Muller con fotografías das rías Baixas
Esta nova versión nace co fin de continuar achegando a cultura a toda a poboación na liña da Lei de cultura inclusiva e accesible de Galicia.
Por Europa Press / Redacción | Santiago de Compostela | 02/03/2025 | Actualizada ás 20:30
O Museo do Mar de Galicia acollerá desde o 13 de marzo ata o 18 de maio a exposición Nicolás Muller en Galicia, unha mostra que recolle unha selección 50 imaxes das 700 fotografías que uno dos documentalistas máis relevantes do século XX tomou en terras galegas durante as súas viaxes, moitas delas localizadas nas rías Baixas.
Esta mostra, que se poderá ver en Vigo e comisariada polo tamén fotógrafo José Ferrero, xorde a raíz da exposición 'Nicolás Muller. Vento Norte', que puido visitarse no Museo Centro Gaiás entre xullo e novembro do 2023. Así, esta nova versión nace co fin de continuar achegando a cultura a toda a poboación na liña da Lei de cultura inclusiva e accesible de Galicia.
As imaxes que compoñen a exposición teñen un gran valor documental e moitas delas teñen unha profunda conexión coas xentes do mar, dando conta de como o fotógrafo capturou fielmente a realidade das persoas traballadoras da Galicia dos anos 60. No Museo do Mar tamén se poderá ver un audiovisual que contextualiza e analiza a súa figura desde unha perspectiva actual.
