Controlado, pero non extinguido, o terceiro incendio forestal no parque natural do Invernadoiro

O incendio forestal no parque natural do Invernadoiro, no municipio ourensán de Vilariño de Conso, na parroquia de Pedroalbar, este pasado martes quedou controlado ás 21,00 horas do martes.

Este lume, o terceiro nunha semana neste parque, orixinouse por mor dun raio, despois da tormenta que afectou a Galicia na madrugada do martes e que deixou máis de 330 raios. Segundo as estimacións de Medio Rural afectou a 3,2 hectáreas.

No lugar do lume, que comezou ás 8,54 do martes, traballaron un técnico, seis axentes, 23 brigadas, nove motobombas, dúas pas, sete helicópteros e cinco avións.