Lanzada á estratosfera a cuarta sonda da Axencia Espacial Escolar Galega

Arrinca a 'Misión Einstein'. A cuarta sonda da Axencia Espacial Escolar Galega, a NOSA, xa asuca os ceos de Galicia tras alzar o voo este martes desde o IES Maruxa Mallo de Ordes, un do seis centros que forman parte deste proxecto que busca chegar á estratosfera e recoller mostras e rastros para comprobar a teoría da relatividade.

Decenas de alumnos colaboran nesta iniciativa desde o curso 2014-2015, na que están implicados o IES Maruxa Mallo (Ordes), o IES Miraflores (Oleiros), o IES Marco do Camballón (Vila de Cruces), o IES Arcebispo Xelmirez II (Santiago de Compostela), o CPI O Cruce (Cerceda) e o IES Ferrol Vello.

O proxecto da NOSA naceu para promover a colaboración deste alumnado no deseño e construción dunha cápsula estratosférica destinada a realizar un voo suborbital no terceiro trimestre de cada curso. Con esta son xa catro as sondas impulsadas ao amparo desta iniciativa, coa que conseguen superar os seus obxectivos de altura.

A 'Marumasat IV', a cápsula lanzada este martes, aspira a alcanzar ou superar os 36.000 metros de altitude, e incorpora diversos dispositivos para cumprir os diversos obxectivos que a NOSA marcouse con este proxecto.

Nesta ocasión o interese central da misión son os raios cósmicos. Para iso, incorporaron un detector de muones, para así tentar captar estas partículas elementais froito da descomposición de dita radicación e que lles permitirán comprobar a teoría da relatividade especial.

O lanzamento tamén busca estudar o comportamento de determinadas substancias biolóxicas nese espectro. En concreto, a velocidade de reprodución de seres unicelulares fóra da terra ou a variación das propiedades organolépticas da auga, entre outros.

SUPERAR OS 36 QUILÓMETROS

Alumnos e profesores concentráronse esta mañá sobre as 12.00 horas no patio do Maruxa Mallo para asistir ao lanzamento, dificultado polos refachos de vendo rexistrados nesta xornada.

De feito, tanto o localizador como varias das cápsulas experimentais adheridas acabaron por desprenderse da sonda, aínda que contan con localizala posteriormente unha vez descenda a terra a través doutros dispositivos inseridos.

Os tres lanzamentos anteriores permitiron aos mozos aprender da experiencia e preparar esta nova sonda para poder superar a súa marca de altitude e superar os 36 quilómetros.

"A estratosfera, o espazo próximo, representa unha potente metáfora dos camiños que -estes mozos- poderán tomar da Axencia Espacial Escolar Galega tras completar os seus estudos e iniciarse na vida adulta. Isto resúmeo moi ben a lema oficial do proxecto: 'Cos pés no chan e os ollos nas estrelas", destacan os docentes que colaboran na iniciativa na web oficial.

POEMAS NA ESTRATOSFERA

Xunto aos obxectivos e intereses puramente experimentais e científicos, o proxecto tamén busca elevar a literatura galega e a creatividade dos propios alumnos ata a estratosfera.

Así, a cápsula lanzada este martes conta tamén cos poemas vencedores do chamado 'II Premio de Poesía Estratosférica', que están asinados por Sandra Rodríguez Macía, Iria Álvarez Gómez, Nerea Ferreiro Leiro, Ánxela López Rey, Carme María Pampín Torres, Paula Pardo Taboada, María Seijo Delgado, Lucas Marino Lanza, Kenia Guadalupe Paulina Loaiza, Atenea del Río Rodríguez e Nuria Torres Novo.