Despexando o camiño

Nin que dicir que descoñezo como se rearmará e organizará o nacionalismo galego. Igualmente descoñezo si será capaz de chegar a acordos con Anova, aínda que dependerá do interese que teña en asumir si está disposto a  modificar  a liña política e ideolóxica ou opta pola resistencia permanente, o que lle augurará, baixo o meu punto de vista,  pouco futuro.

 

Son dos que penso que, neste campo da política, somente caben dúas forzas. E  dende iste punto de vista tendo moi claros os obxectivos e cara onde se quere camiñar, o grupo de  Compromiso por Galicia vai a dar un paso máis  dando a coñecer a súa marca e, polo tanto,  organizándose como un  partido que, escoitando á xente e asumindo a realidade sociopolítica  desta terra, tentará  ofertarlle   a  grande maioria dos galegos unha opción enmarcada no galeguismo político, no progresismo e no nacionalismo pracmático   que ten o seu límite  na socialdemocracia.

 

Esta será a oferta que se medirá na  convocatoria das elección municipais dentro de dous anos onde  se visualizará o alcance e a  súa aceptación social.

 

A nosa terra necesita  rachar co corsé ideolóxico  e sumamente pernicioso que oferta o  nacionalismo actual  e que vai dirixido so a unha parte da sociedade, excluíndo  a máis  do cincueta por cen dos galegos que non ven nesa oferta  algo que lles interese e ilusione. Pois, ate agora, o nacionalismo galego sempre estivo vinculado a ideoloxías que viñan de lugares foráneos que hoxe teñen a súa expresión en  países marxinais na orbe.

 

Esta terra tan castigada pola crise actual, na que a emigración volve a levar á xente máis preparada alén das nosas fronteiras; estra terra onde o paro medra constantemente,  necesita, máis ca unha oposición de resitencia, propostas e políticas  alternativas ás actuais que, defendendo os servizos públicos universais  como a sanidade e a educación e mantendo un forte compromiso coa defensa do noso tecido empresarial, o noso agro e demais sectores produtivos  podan  levar a esta terra á senda do crecemento.

 

E iso soamente se pode acadar dende forzas políticas autónomas que teñan como base e centro de acción na nosa terra. E aínda que pareza algo desmesurado neste mundo globalizado no económico, e moi desigual no social,  ou defendemos aqueles proxectos que lle dan vidas económica a está terra,  ou nunca levantaremos cabeza e seremos dependentes  dos demais en case todo.

 

Un empresario local dicíame hai uns días: ou defendemos as nosas empresas para que estas non se deslocalicen, ou seremos un país totalmente subsidiado e desenvolvido. Pois, actualmente, a administración está tomando como referencia para o seu apoio ás grandes marcas que fabrican fora de Galicia  e eiquí  soio lle poñen a etiqueta as prendas que logo nos queren vender. Este exemplo que amosa unha realidade  implica asumir un problema que se repite diariamente. E ao que non se lle pon remedio dende as nosas instirucións políticas de Santiago e menos dende Madrid. 

 

Galicia endexamais terá solución e levantará a cabeza namentres non valore e apoie claramente  aos emprendedores que operan e teñen o centro de desenvolvemnto na súa terra.

En fin, despois das eleccións ven a análise e a toma de decisións. E no  eido nacionalista empezou  a moverse o taboleiro. Esperemos que destas decisións saia un proxecto político positivo  e atractivo para nosa sociedade que é o que se precisa con suma urxencia.