A crise no Concello da Coruña evidencia a guerra interna que aínda existe dentro do PSdeG

A alcaldesa da Coruña, Inés Rey, asegurou que "a dedicación ás tarefas de goberno non é negociable" tras destituír á secretaria local do PSOE, Eva Martínez Acón, das súas responsabilidades como edil de Innovación, Industria, Consumo e Emprego.

A decisión de Inés Rey de apartar a Martínez Acón prodúcese nun contexto de diferenzas entre partidarios de Gonzalo Caballero e próximos á dirección provincial do PSOE que se remonta xa a antes das eleccións municipais e que agora se agudiza. De feito, este conflito pode ser o iniciou doutra guerra máis ampla pola elección, novamente, do futuro secretario xeral do PSdeG, cuxo proceso comezará o vindeiro ano.

O candidato do PSdeG á Xunta, Gonzalo Caballero, acompañado polos presidentes das deputacións gobernadas polo PSOE (José Tomé, Carmela Silva e Valentín González Formoso)

Así, mentres que Eva Martínez Acón é unha dos principais apoios do actual secretario xeral do PSdeG na Coruña, Inés Rey é próxima á dirección provincial do partido, cuxo responsable de Organización, José Manuel Lage Tuñas, forma parte do goberno local.

Estas discrepancias xa se deixaron sentir na configuración da lista para os comicios locais por parte do PSOE coruñés. En concreto, a rexedora, que se impuxo nas primarias, foi reticente á incorporación de Eva Martínez Acón, que fora a máis votada pola asemblea local. Con todo, finalmente, esta ocupou o número cinco da candidatura.

CRÍTICAS

"O meu compromiso e o do goberno municipal é traballar polo interese dos coruñeses e as coruñesas", manifestou a rexedroa en declaracións aos medios tras participar nun minuto de silencio na Praza de María Pita e despois de que o martes fontes do goberno local vinculasen o cesamento da edil á súa "nula" dedicación ao traballo de goberno.

Neste sentido, preguntada polos motivos da súa decisión, a rexedora limitouse a dicir que o seu "equipo de goberno ten un compromiso firme coa cidade". "Aquí hai que traballar e dar ao cento por cento da nosa capacidade para mellorar a vida dos coruñeses", afirmou.

Ademais, sinalou que "a dedicación ás tarefas de goberno non é negociable nin é cuestionable". "Iso pedinlle eu aos concelleiros e así o demostramos durante todos estes meses. Esta é a decisión, está tomada e non teño máis nada que comentar respecto diso", expresou.

Con todo, Eva Martínez Acón, próxima ao líder do PSdeG, Gonzalo Caballero, atribuíu o seu cesamento ao feito de que reclamase á rexedora o pago das cantidades que esta e outros edís municipais "debían" ao Partido Socialista nun momento no que a agrupación local atravesa unha situación económica complicada que, segundo indicou, mesmo motivou que non puidese pagar o aluguer da súa sede durante varios meses.

COMPOSICIÓN DA CORPORACIÓN

Ata o momento, Inés Rey, gobernou en minoría con acordos puntuais coas restantes forzas de esquerda e o apoio da que era edil de Cs, Mónica Martínez, quen se deu de baixa da formación laranxa e incorporouse ao goberno municipal.

Nos comicios de maio de 2019, o Partido Socialista logrou nove concelleiros, os mesmos que o PP nunha corporación conformada por 27 edís --seis son da Marea Atlántica, dous do BNG e un de Cs--.

BNG

Por outra parte, o grupo municipal do BNG no Concello da Coruña lamentou que o consistorio se vexa afectado os "problemas internos" do PSOE coruñés. Así, lamenta que o goberno local e o PSOE coruñés "non saiban diferenciar planos e o Concello da Coruña se vexa seriamente afectado os problemas internos do PSOE coruñés e que o faga, ademais, no medio dunha crise socio-económica e sanitaria tan grave como a actual".

"É evidente que neste contexto as institucións públicas deben centrar todos os seus esforzos en combater os distintos aspectos da pandemia e non poden perder enerxía en resolver conflitos partidarios", indica.

CARTA DO PSdeG Á MILITANCIA

O vicesecretario xeral do PSdeG, Pablo Arangüena, remitiu unha carta á militancia da cidade da Coruña na que mostra o seu apoio á secretaria local, Eva Martínez Acón, e na que insta á alcaldesa, Inés Rey, abonar as cotas debidas á agrupación municipal.

"Os socialistas temos que facer da honestidade, da verdade e da defensa dos compañeiros e das compañeiras nosa defensa. Ningún cargo institucional está por encima do noso partido nin da militancia", sinala Pablo Arangüena nunha carta  e na que asina como vicesecretario xeral da formación.

Na misiva, na que destaca que a secretaria local "representa a toda a agrupación" e que "lle corresponde facer cumprir as normas", indica que o partido "seguirá instando á alcaldesa, ao portavoz municipal e aos concelleiros e concelleiras afectados a que fagan fronte ás achegas debidas". Ademais, pide que o Grupo Municipal Socialista firme o convenio de colaboración e asistencia ao que "está obrigado".

MARTÍNEZ ACÓN MANTERÁ A SÚA ACTA

Pola súa banda, preguntada sobre o seu cesamento como responsable de Innovación, Industria, Consumo e Emprego do goberno municipal, Eva Martínez Acón limitouse a confirmar que manterá a súa acta como concelleira.

O conflito que o martes derivou na destitución de Martínez Acón ten lugar nun contexto de enfrontamento entre os partidarios ao actual secretario xeral do PSdeG, Gonzalo Caballero, e os afíns á dirección provincial do partido.

Así, mentres que a secretaria local é unha dos principais apoios do actual secretario xeral do PSdeG na Coruña, Inés Rey é próxima á dirección provincial do partido, cuxo responsable de Organización, José Manuel Lage Tuñas, forma parte do goberno local.

Estas discrepancias xa se deixaron sentir na configuración da lista para os comicios locais por parte do PSOE coruñés. En concreto, a rexedora, que se impuxo nas primarias, foi reticente á incorporación de Eva Martínez Acón, que fora a máis votada pola asemblea local. Con todo, finalmente, esta ocupou o número cinco da candidatura.