O Delegado do Goberno apela á "calma" no caso de Samuel Luiz
No xulgado entregouse un vídeo no que os detidos polo crime de Samuel estaban con armas.
Por Europa Press / Redacción | Santiago de Compostela | 18/11/2021 | Actualizada ás 14:53
O delegado do Goberno en Galicia, José Miñones, apelou a "a calma" ante a investigación xudicial que se está levando a cabo no caso de Samuel Luiz, o mozo que faleceu na Coruña tras recibir unha malleira mortal.
Fíxoo a preguntas dos xornalistas tras entregar a Policía e no xulgado un vídeo no que os detidos polo crime de Samuel estaban con armas.
"Hai armas e escóitase música", explicaron fontes consultadas por Europa Press, sen chegar a concretar cando foi gravado un vídeo que foi extraído do teléfono móbil dun dos detidos. Nas imaxes portan machetes e bates, ratificaron.
O comisario xefe da Brigada Provincial da Policía Xudicial da Xefatura Superior de Galicia, Pedro Agudo, consultado por Europa Press, confirmou que se entregou no xulgado "un informe con material dos teléfonos".
Doutra banda, insistiu en que Samuel Luiz morreu "por un fallo multiorgánico" por mor de recibir "moitísimos golpes", descartando que falecese "por unha navallada" ou o uso doutras armas.
