Polémica nas redes por unha pregunta na TVG: "Canto custa un gramo de coca?"
"Dixo un dos guionistas que ten un amigo que o sabe, aínda que é policía", chanceou o presentador. Voz Audiovisual, do grupo voz, e productora do programa di que esa pregunta aparece recollida no informe do Observatorio Español das Drogas e as Adiccións (CEDA).
Por Galicia Confidencial | Compostela | 07/03/2022 | Actualizada ás 17:10
"Cal é o prezo medio dun gramo de cocaína na rúa?". Esta é a pregunta que o presentador do espazo da TVG Atrápame se podes fixo a unha nai e a súa filla que estaban concursando no mesmo. Unha pregunta que deixou confusa ás dúas mulleres que acabaron acertando a pesares de que as dúas comentaron que "non o sabían".
O propio condutor do programa chanceou sobre a pregunta tras realizala e dixo que os guionistas tiñan un amigo que o sabía, aínda que aclaraba que este era policía. As concursantes acertaron a resposta, que era 60 euros. Tal foi a polémica que a canle pública e a productora do programa, Voz Audiovisual, do grupo Voz, tiveron que pedir desculpas.
Unha pregunta que está percorrendo as redes sociais e causou unha gran polémica, tanto en FB coma en Tuiter, onde foron numerosos os usuarios que lle recriminaron á TVG este tipo de preguntas en espazos de máxima audiencia.
-fodechinchos: Es que los gallegos son todos narcos.
— A maruxinha ou A Prosoviética 🤍💙❤️💜 (@maruxinha3) March 5, 2022
- Galeg@s: pero que carallo estades a contar!
A TVG: pic.twitter.com/ayhEJintU6
¿Que cuáles son las preguntas de cultura general en los programas de la Televisión de Galicia? pic.twitter.com/6qNCPenjsZ
— Daniel Lorenzo (@Danipaquitof) March 6, 2022
yo intentando convencer a mis amigos de que galicia no es sólo cocaína
— eva𖤐☭ (@_real_666_) March 6, 2022
los concursos de la TVG: pic.twitter.com/fQirQrOlo5
Tal foi a polémica que fixo intervir a un guionista do programa que suliñou que a pregunta realizada está baseada en datos do "Observatorio Español das Drogas e as Adiccións (OEDA). Ministerio de Sanidade. Goberno de España".
Son datos do Observatorio Español de las Drogas y las Adicciones (OEDA). Ministerio de Sanidad. Gobierno de España.
— Jacobo Paz (@jacobo_paz) March 6, 2022
Aquí podes descargar o "Informe 2021. Alcohol, tabaco y drogas ilegales en España":https://t.co/5Dq9QarJfT
Tamén foi intenso o debate a través de FB.
DESCULPAS
A CRTVG xa pediu desculpas pola emisión desta pregunta e di que "non estaba no ánimo do programa infravalorar o grave problema que supón a drogadicción". Nun comunicado, sinala que a "formulación desa pregunta non era a adecuada, máxime tratándose dun programa de cuestións sobre cultura xeral".
A Corporación Radio e Televisión de Galicia, que destaca que eliminou o programa do seu contido en liña, subliña que o compromiso dos medios públicos na loita contra a drogadicción é incuestionable. Pola súa banda, a produtora do programa Voz Audiovisual considera que a pregunta "nunca debería exporse" da forma que apareceu en pantalla.
Ademais, explica que o dato que respondía á cuestión "Cal é o prezo medio dun gramo de cocaína na rúa?" aparece recollido no informe do Observatorio Español das Drogas e as Adiccións (CEDA), que elabora cada ano o Ministerio de Sanidade do Goberno de España, pero "foi trasladado aos concursantes cunha formulación inoportuna".
