Galicia rexistra outras 12 mortes por Covid, entre elas unha moza de 21 anos

Os pacientes hospitalizados pola Covid-19 en Galicia aumentan a 874, que supoñen 16 máis que a xornada anterior e 254 máis que hai unha semana, dos cales 35 permanecen en UCI --14 máis que o xoves anterior--; mentres que os casos activos soben a 16.789 tras detectarse outros 1.646 novos contaxios --88 menos que o día pasado--. Pola súa banda, a taxa de posibilidade descende lixeiramente a un 58,8 por cento no conxunto de Galicia, case 12 veces máis do recomendado pola OMS.

Segundo os datos actualizados este xoves pola Consellería de Sanidade, con rexistros ata as 18,00 horas do mércores, recollidos por Europa Press, os pacientes hospitalizados pola Covid en UCI aumentan a 35 --un máis que o día anterior-- e os ingresados noutras unidades convencionais a 839 --implican 15 máis--, mentres que 15.915 permanecen en seguimento no seu domicilio. Hai unha semana, o 30 de xuño, había 620 hospitalizados --254 menos que na actualidade--, deles 21 en críticos.

Por áreas sanitarias, a presión hospitalaria aumenta en cinco das sete e alíviase en dúas: na da Coruña e Cee que rexistra oito pacientes Covid en UCI --un menos-- e 158 noutras unidades --11 menos-- e na de Pontevedra e O Salnés, con tres en críticos --un máis-- e 98 noutras unidades --catro menos--.

No caso da de Ourense descenden a cinco os pacientes Covid en UCI --un menos-- e aumentan a 140 os ingresados noutras unidades --seis máis--; mentres que na de Lugo descenden a sete os críticos --dous menos-- pero aumentan a 104 os hospitalizados noutras unidades --sete máis--.

Polo seu lado, na área de Vigo ascenden a seis os pacientes ingresados pola Covid-19 en UCI --tres máis-- e a 137 os doutras unidades --seis máis--; mentres que na de Santiago e Barbanza increméntanse a catro o críticos --un máis-- e a 137 os doutras unidades --catro máis--. E no caso da de Ferrol, mantéñense dúas persoas ingresadas pola Covid-19 en UCI e ascenden a 65 os pacientes hospitalizados en unidades convencionais --sete máis--.

CASOS ACTIVOS EN ASCENSO

Os casos activos de Covid-19 aumentan por terceira xornada consecutiva tras o descenso no inicio da semana e sitúanse en 16.789, que constitúen 931 máis que a xornada anterior, ao haber máis contaxios (1.646), que altas (703), ao que se suma unha ducia de falecementos. O xoves 30 de xuño había 13.710 infeccións activas.

O aumento de novo é xeneralizado nas sete áreas sanitarias galegas, coa da Coruña e Cee con maior incremento (+218), seguida da de Ourense (+171), Santiago e Barbanza (+143), Vigo e Pontevedra-O Salnés (+117 cada unha), Lugo (+106) e Ferrol (+57).

Deste xeito, a área da Coruña e Cee segue con máis casos activos, con 3.391, seguida da de Santiago e Barbanza, con 2.971; de Vigo, con 2.625; Ourense, con 2.369; Lugo, con 2.332; Pontevedra e O Salnés, con 1.728; e á cola prosegue a de Ferrol, con 1.351.

CONTAXIOS

Pola súa banda, os novos contaxios sitúanse en 1.646, tras ascender a 1.734 o mércores no conxunto de Galicia, tras os 1.515 do martes, despois de comezar esta semana con 753 novos casos abertos nas últimas 24 horas. Co protocolo actual non se contabilizan os autotest positivos e non se fan probas de diagnóstico a poboación en xeral, salvo á vulnerable. O xoves 30 xuño houbo 1.769 novos casos abertos.

No relativo á taxa de positividade --número de PCR positivas por cada 100 realizadas--, descende ao 58,87 por cento, tras repuntar ao 61,81% o mércores, baixar a un 41,4% o martes e comezar esta semana nun 56,04%. Por iso, segue por encima do 5% que marca a OMS para dar por controlada a pandemia.

VÍTIMAS

As vítimas da pandemia da Covid-19 en Galicia rexistradas na web do Sergas ascenden a 3.645 tras notificar este xoves a Consellería de Sanidade 12 falecementos de pacientes con patoloxías previas en varios días.

En concreto, Sanidade informou de que o 2 de xullo morreu unha moza de 21 anos na área sanitaria de Pontevedra e O Salnés con patoloxías previas e o día 3 faleceu unha muller de 91 na de Ferrol.

O 4 de xullo faleceu unha muller de 67 anos na área sanitaria de Vigo e o día 5 morreron nove persoas: unha muller de 91 e un home de 90 na área de Vigo; e unha muller de 91 e un home de 5 na de Santiago e Barbanza dous homes de 83 e 87 anos na da Coruña e Cee.

A eles súmanse unha muller de 91 anos na área sanitaria de Lugo, A Mariña e Monforte de Lemos e dous homes de 73 e 91 anos de idade na de Ourense, Verín e O Barco de Valdeorras.

Varias persoas nunha terraza de Vigo.. Marta Vázquez Rodríguez - Europa Press - Arquivo | Fonte: Europa Press