A eurodiputada do BNG reclama unha Europa "máis social" e que "contemple as loitas dos pobos"

A xa eurodeputada do BNG Ana Miranda ofreceu este martes a súa primeira rolda de prensa tras acreditarse para ocupar o escano no grupo da Verdes-Alianza Libre Europea, o que lle permitirá estar ata final de lexislatura con "voz, voto e veto", como ela mesma lembrou á mantenta das preguntas formuladas no encontro coa prensa.

Arroupada pola portavoz nacional do Bloque, Ana Pontón; Miranda explicou o "orgullo" de "ser a voz de Galicia en Europa" e comprometeuse a ser o "escano de Galicia" e "representante de todos os galegos", con prioridades como os sectores produtivos. De feito, destacou que unha dos cambios con este "aumento de poder do BNG" é que pasa a ser titular na Comisión de Pesca.

A eurodeputada nacionalista, que tivo un recordo emotivo para o seu pai e nai falecidos os dous nos últimos anos, remarcou o BNG ten como obxectivo "mellorar a vida das persoas", diminuír as desigualdades e, en definitiva, "deixar un mundo mellor".

Miranda destacou que continúa o labor que se iniciou con Camilo Nogueira como primeiro eurodeputado do Bloque en 1999 e, neste sentido, ratificou o seu rexeitamento ao modelo de Unión Europea, para reclamar unha Europa "máis social" e que "contemple as loitas dos pobos".

A política nacionalista, nacida en Cuntis (Pontevedra) e logo afincada en Vigo, afirmou que o escano galego --avalado con "o recoñecemento" en Europa de "Galicia como nación" e do que toma a substitución do parlamentario de Bildu Pernando Barrena--, empregarase tamén para levar a cabo "un control exhaustivo dos fondos europeos". "Por Galicia e pola humanidade", incidiu Miranda en que serán as lemas do seu escano, como dixo cando acudiu a votar nas eleccións de maio de 2019, en que tamén será integrante da Comisión de Peticións.

"MÁIS PESO POLÍTICO"

Pola súa banda, a portavoz nacional do BNG, Ana Pontón, referiuse ao contexto de crise de prezos no que Miranda asume o escano para proclamar que, con iso, "non gaña o BNG un escano, senón Galicia vai ter máis peso político" cunha "voz libre para defender os intereses dos galegos".

Preguntada polas enerxías nucleares e pola consideración de renovable, Ana Miranda incidiu en que o BNG "o dixo sempre e votouno sempre" e mantense en que a nuclear "non" pode ser considerada desa maneira. A alternativa é buscar outras solucións para que "os pobos non paguen a factura do belicismo".

Pola súa banda, Pontón, ao ser preguntada polo conflito derivado da escaseza de gas e a posibilidade de intervención pública, respondeu a enerxía ten que ter unha "función social" e reclamou "compensacións" para os territorios que producen electricidade, como Galicia --que produce máis da que consome-- polo "impacto social e ambiental" que leva esta produción.

Ana Pontón xunto a Ana Miranda en rolda de prensa en Bruxelas tras asumir o escano a política nacionalista nada en Cuntis. DELMI ÁLVAREZ | Fonte: Europa Press