O PSOE santiagués levará unha moción ao pleno municipal para que Raxoi esixa á Xunta libros de texto gratuítos
Así o sinalou a concelleira socialista, Marta Abal, que insistiu en que o modelo socilista "é menos custoso e máis eficiente" que o imposto polo PP desde 2009.
Por E.P. | SANTIAGO DE COMPOSTELA | 09/09/2023 | Actualizada ás 13:38
O PSdeG de Santiago levará ao próximo pleno unha moción, coa que buscará o acordo da corporación, para instar á Xunta a recuperar a gratuidade dos libros de texto no ensino obrigatorio, fronte ao actual sistema de axudas parciais que "apenas cobre ao 40% das familias" que teñen que facer fronte a un desembolso que "pode alcanzar os 1.000 euros".
Así o sinalou a concelleira socialista, Marta Abal, que insistiu en que o modelo socilista "é menos custoso e máis eficiente" que o imposto polo PP desde 2009.
A continuación, lembrou que, mentres Galicia anuncia que o seu modelo custará 25,6 millóns, en Andalucía, que manteñen o modelo socialista, "con 60 millóns de euros atenden a catro veces máis alumnos de Primaria e cinco veces máis alumnos de ESO".
"Esperamos que o Partido Popular de Santiago sexa consecuente co que di o señor Feijóo en Madrid e non co que fixo Feijóo en Galicia", criticou Abal.
Así, esta medida sumarase á proposición non de lei que o grupo parlamentario presentou no Parlamento galego co mesmo obxectivo.
