Excelentes datos na vendima da Denominación de Orixe Monterrei: 5,5 quilos recolleitos
Actualmente hai xa máis 70 millóns de quilos de uva recollidos entre as cinco denominacións de orixe, o que demostra un bo ritmo, dado que as previsións dos consellos reguladores son conseguir 72,5 millóns de quilos.
Por Europa Press / Redacción | OURENSE | 05/10/2024 | Actualizada ás 18:43
A conselleira do Medio Rural, María José Gómez, asistiu este sábado ao III Festa da Vendima de Monterrei, onde enxalzou a calidade e cantidade de uva que se está obtendo na vendima deste ano. Así, tal e como destacou a Xunta nunha nota de prensa, as boas condicións climáticas do verán nesta zona, con ausencia de precipitacións, derivan en froitos dun "excelente estado fitosanitario", permitindo a elaboración de viños "de moi boa calidade".
Segundo os últimos datos, actualmente hai xa máis 70 millóns de quilos de uva recollidos entre as cinco denominacións de orixe, o que demostra un bo ritmo, dado que as previsións dos consellos reguladores son conseguir 72,5 millóns de quilos. En concreto, a Denominación de Orixe (DO) Monterrei, que este ano conta cunha maior superficie inscrita, con 795 hectáreas, chegou xa aos 5,5 millóns de quilos.
Neste contexto, a conselleira mostrou o "compromiso" da Xunta co sector vitivinícola a través de pancas de acción como a Estratexia de dinamización económica, territorial e turística das comarcas vitivinícolas ou as diferentes liñas de axudas executadas pola Consellería e destinadas especificamente para este sector.
