Temas: LA VOZ DE GALICIA INCENDIOS SOGAMA PUBLICIDADE

A Xunta subvenciona un programa medioambiental no Grupo Voz 20 días despois da vaga de lumes

Destina 62.000 euros sen IVE nun procedemento negociado sen publicidade para facer un programa medioambiental en Radio Voz, que é a 12ª cadea en audiencia de Galicia.

Por Galicia Confidencial | A Coruña | 06/11/2017 | Actualizada ás 14:00

A Xunta de Galicia segue subvencionando, a través de cuantiosas axudas públicas, aos grandes medios de comunicación, especialmente, La Voz de Galicia. Faino, ademais, cun espazo sobre o medio ambiente xusto cando hai pouco máis de quince días Galicia sufriu unha das súas peores vagas de lumes que calcinou case 50.000 hectáreas en cinco días.

Este contrato materializarase a través da empresa pública SOGAMA. A Corporación Voz de Galicia recibirá a cambio 62.000 euros máis IVE desta compañía, participada nun 51% pola Administración. Na resolución do procedemento non figura o nome do programa nin da emisora, pero ao tratarse dun programa de radio será en Radio Voz, a cadea do grupo de Santiago Rey.

SOGAMA escolleu Radio Voz malia que esta cadea é a 12ª en audiencia entre as grandes emisoras que se escoitan en Galicia e a sexta de audiencia entre as xeneralistas que emiten no país. SER, Cope, Radio Galega, Onda Cero e Radio Nacional teñen máis audiencia que a filial da Voz de Galicia; segundo o EGM.

Máis axudas para Voz Natura

Con todo, cómpre lembrar que La Voz leva lustros beneficiándose do diñeiro da Xunta para promocionar a defensa do medio, a través do programa Voz Natura, suplemento do xornal herculino.

A adxudicación fíxose o pasado 2 de novembro cun prazo de execución de 5 meses. O que chama a atención é que este contrato é exactamente igual a outro publicado na Plataforma de Contratos Públicos de Galicia o pasado maio tamén para a mesma empresa e coa mesma cantidade.

Máis contratos

Por outra banda, a Secretaría Xeral de Medios acaba de oficializar outro contrato de "Servizos de axencia de noticias", tamén polo procedemento negociado sen publicidade por exclusividade, coa empresa Axencia EFE. En total, 247.933,89 € sen IVE.

Temas: LA VOZ DE GALICIA INCENDIOS SOGAMA PUBLICIDADE

7 Moura

Falemos de todas as subvencións. O Concello de Pontevedra entrégalle 42.000 euros a unha produtora cinematográfica por rodar unas escenas na cidade. Cartos que non crean emprego ningún nunha poboación no que o seu maior problema, precisamente, é o paro. Cousas do BNG e da cidade modelo dos nacionalistas que se din de esquerdas.

1 Toño

Subencionar a La Voz é como subvencionar a "El Arriba"

6 La Voz del PP

Noxento, Santnoi Rey vive en Mallorca, poi iso... a corpo de rei, a conta dos cartos públicos cos que os corruptelas financian o seu pasquín (coñecido polo seu contido reaccionario na liña do ABC) que ven a ser a voz do PP. Noxento, que a continua falsadeda e manipulación, de La Voz de Santino Rey, pon a guinda coa inexistencia de artigos disidentes ou diferentes ao guión marcado polo réxime neo franquista e Bubónico expañol.. Ou a pouca ou nula referencia aos mais de 800 casos, nos que está imputado o PP, pola sua corrupción endémica.