O PP rexistra unha moción no Senado para solicitar ao Goberno que impulse o AVE entre Galicia e Portugal

O senador do grupo Popular por Pontevedra, Javier Guerra, rexistrou unha moción no senado para que o Goberno impulse o AVE entre Galicia e Portugal para o ano 2026. Tal como recolle o PP nun comunicado, a iniciativa esixe ao Executivo central acordar os prazos e partidas orzamentarias para unir a través da liña de alta velocidade as cidades de Vigo e O Porto.

Guerra subliñou que o Goberno luso defendeu abertamente a conexión ferroviaria con Galicia, a través dun tramo que conectaría ambas as cidades en apenas 48 minutos, fronte ás dúas horas e media actuais.

"Esa idea quedou plasmada no Programa Nacional de Investimentos 2030, que é o horizonte no que o Goberno portugués quere facer realidade unha demanda histórica de Galicia", lembrou o senador galego. Guerra reivindicou a "urxencia" e a "importancia" desta iniciativa do PP para que "por fin" o Executivo de Pedro Sánchez concrete prazos e dote de orzamento ao saída sur de Vigo.

Varios trens estacionados na estación de Ave Madrid - Porta de Atocha, a 12 de agosto de 2022, en Madrid (España). Hoxe é o primeiro día da ponte do 15 de agosto e o inicio de vacacións para as persoas que elixen a segunda quincena de agosto p. Jesús Hellín - Europa Press