Morre Xosé Manuel Piñeiro, 'Superpiñeiro', un dos grandes rostros da TVG

Faleceu aos 68 anos en Santiago.

Por Galicia Confidencial | A Coruña | 22/01/2025 | Actualizada ás 10:29

Comparte esta noticia

Xosé Manuel Piñeiro, un dos presentadores con máis sona e programas na TVG, faleceu este mércores en Santiago. O 'showman', de 68 anos de idade, era natural de Allariz e foi un dos rostros da TVG durante anos co seu programa 'O Supermartes' que conduciu entre 1992 e 2005.

Superpiñeiro con Diana Nogueira e Mabel Ribera nun programa do Supermartes
Superpiñeiro con Diana Nogueira e Mabel Ribera nun programa do Supermartes | Fonte: TVg

Piñeiro tamén estivo á fronte doutros programas, coma Tequelexou, Téquele, ou Acompáñenos. Dende o 2011 presentaba o programa Bamboleo.  En 2018 deixou as pantallas para afrontar un cancro, un mieloma múltiple, que conseguía superar un ano despois.

En 2019 volvía ás pantallas para presentar o especial Aquí Portugal, un espazo conxunto entre as canles públicas galega e lusa que se ofreceu en directo desde a praza do Obradoiro.  Piñeiro, Superpiñeiro,  foi galardoado no 2020 coa medalla Castelao. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta