CRTVG e CRTVE unen as súas forzas nunha manifestación pola dignidade dos medios públicos
O vindeiro 8 de setembro en Compostela os comités de empresa da CRTVG e CRTVE- Galicia convocan por primeira vez unha acción de protesta conxunta pola dignidade dos medios públicos de comunicación.
- Continúan os “venres negros” na CRTVG para pedir independencia e pluralismo
- O PP defende o seu modelo na CRTVG fronte a "televisión de Pedro Sánchez e Pablo Iglesias"
- Denuncian ameazas de despedimento a unha xornalista por reivindicar a pluralidade na CRTVG
- Tareixa Navaza: "Por saúde, non vexo a TVE nin a TVG, enfádanme"
Por Galicia Confidencial | Santiago de Compostela | 20/08/2018 | Actualizada ás 10:00
Despois de que os traballadores e traballadoras da CRTVE- Galicia e CRTVG puxeran en marcha as mobilizacións que secundan cada venres, os denominados "Venres Negros", os comités dos dous entes públicos unen as súas forzas. É a primeira vez que o fan, e fano "en sinal de protesta pola situación que atravesan". Será o vindeiro 8 de setembro en Compostela. Unha manifestación que sairá ás 10:30 das instalacións da CRTVG en San Marcos, pasará pola sede que CRTVE ten tamén en San Marcos, e rematará na compostelá Praza das Praterías.
Unha vez na emblemática Praza das Praterías, procederase á lectura dun manifesto
común das dúas empresas públicas que recolle os motivos da manifestación e as
demandas que pretenden facer públicas as e os representantes do persoal da CRTVG e
de CRTVE. A música de Uxía, Guadi Galego e Xabier Díaz acompañará o acto
reivindicativo.
- Continúan os “venres negros” na CRTVG para pedir independencia e pluralismo
- O PP defende o seu modelo na CRTVG fronte a "televisión de Pedro Sánchez e Pablo Iglesias"
- Denuncian ameazas de despedimento a unha xornalista por reivindicar a pluralidade na CRTVG
- Tareixa Navaza: "Por saúde, non vexo a TVE nin a TVG, enfádanme"
